تورا بورا: فلم كويتي
احداث الفلم بشكل عام عن عايله كويتيه فيالبدايه الام والابو يشدون الرحال لافغانستان عشان يدورون على ولدهم احمد اللي راح لافغانستان يجاهد مع طالبان بعد ما اغسلوا مخه وبعد فتره ينضم لهم ولدهم طارق برحله البحث
الفلم حلو <<<عجبني وايد
الاحداث التصوير اللغه ضابطينها الممثلين القصه نفسها مؤثره خصوصا لمن ماتت الام ويد عورت قلبي
الابو اللي تم يدور على ولده لاخر لحظه مع انه يت فتره وتعب وكان ناوي يوقف ويرد الكويت
خالد الامين كالعاده لازم يقتلني بتمثيله ... وايد تعجبني طريقه كلامه وتعابير ويهه
اكثر المشاهد اللي اثرت فيني
- لمن طارق شاف طالبان يذبحون ريال ومره وركضته عليهم لانه عباله اهله
- المشهد اللي ينصاب فيه طارق بعد ما يلقى امه وابوه حقيقه قلبي وقف عبالي مات
-لمن ماتت الام وشلون طاحت عالارض صوت الهبده طالع من قلب
- لمن طالبان اذبحوا الحريم واليهال خصوصا لمن الطلقه يت براس الياهل اللي يركز يشوف الدم شلون يطشر من المخ اول ما صابته الرصاصه صج كان منظر يعور القلب يمكن تميت ٣ ساعات معلق بمخي ومخترعه
- اخر شي لمن الابو وطارق يلقون احمد ويموت المصور الفلسطيني اللي كان يساعدهم <<اهني بس طقيتها بجوه فجاه تذكرت كل شي مو حلو وقعدت ابجي
حقيقه فلم ممتع وخفيف ماكان طويل وايد وتميت مندمجه من بدايه الفلم الى نهايته
- الاشياء اللي ما اعجبتني بالفلم
١- الاضاءه مالت التصوير وااااااااايد خافته كانت تنرفز وعيني قامت تعورني
٢- المشاهد اللي يرطنون فيها بالافغاني ما كانت مترجمه ولو ما اعرف ايراني جن مالقطت لي كلمه كلمتين لانه اللغه شوي مختلفه وفهمت والا اللي يمي ضايعين بالطوشه
٣- الاخوان اللي يايين حاضرين الفلم كل شوي يقعدون يضحكون ليش الفلم الكويتي مع انه ماكو شي يضحك بالعكس يعور القلب ويبجي حقيقه نرفزوني
واكثر شي حبيته لمن الام والابو كانوا يوجهون رساله للعالم انه مو غلطه طالبان ولا الارهابيين انه عيالهم انغسلت مخوخهم وخذوهم للجهاد وانها غلطه الاهل اللي ما راقبوا عيالهم عدل وعرفوا يوجهونهم للطيج الصح
وشكرا .........
No comments:
Post a Comment