هذي السالفه صجيه وصارتلنا اليوم انا ورفيجتي
لازم تقرونها لانه اللي صارلنا ممكن يصير حق اي شخص ثاني
اليوم كنا نتمشى انا ورفيجتي بحديقه الاندلس والرقعي والحديقه شوي كبيره وفيها اماكن تمشي يصير بين الزرع واضائتها مو وايد قويه
المهم واحنا نمشي والا رفيجتي فجآه تخترع يوم التفت والا هندي واقف بين الزرع
ضحكنا ومشينا انه موقف عادي وصار
شوي والا احس في احد لاحقنا ويمشي ورانا
رديت طالعت والا نفس الشخص مره ثانيه بس هالمره شفت شي واااايد عيب كان فاج بنطرونه ومطلع عيبه ويسويلنا بوسات فلاس كيسز
قلت يمكن انا يتهيالي وكملنا مشينا بس سرعنا خطوتنا عن الحلال والحرام لو انا مو قعد يتهيالي نكون عالاقل وصلنا مكان في شوي نااس
الحبيب يوم شافنا سرعنا قاام يركض ورانا يبي يوصل صوبنااا
واطالعه والا قعد يركض بالوضع المخل اللي انا كان يتهيالي اني شفته
وقفنا جن تصرخ عليه رفيجتي انه شتبي اذلف والا يقولها تعالي ابي اسوي معااج "وياشر بايدينه" انه يبي يسوي شي عيب
جن ترد تصرخ عليه وماكو فايده ياشر تعالي تعالي وبسوي نعاج وحركات وصخه ومطلع عيبه بالشارع وبوسات
جن تقوله والله ادق على الشرطه وماصدق تم ينادي
لمن مسكت تلفوني بدق والا ينحاش يركض
طبعا دقيت عالشرطه وشرحت السالفه والاخت اللي ردت علي ماقصرت قالتلي اللحين ادزلكم دوريه
٥ دقايق والا يدقون علي المخفر ورديت شرحتلهم السالفه من اول وجديد وقال بطلعلي دوريه
نطرنا عشر دقايق جن يدق علي شرطي وارد اشرحله السالفه من اول ويديد واي صوب صارت وقالي انهم يايين
وقالي اقدر امشي من الحديقه ارد بيتنا
على ماركبت السياره بس حركت جن يدق علي شرطي ثالث وارد اعيد السالفه من اول ويديد
والمشكله يسالني ليش مشتو
الخلاصه انه كان عادي نروح بشربه ماي واهما مادروا عنا
طولوا علينا فوق النص ساعه علبوا كل شوي احد يدق شرحيلي السالفه مع ان المخفر مجابل الحديقه بينهم خطره شارع
المهم
ديروا بالكم اذا بتروحون حديقه تاكدوا فيها عوايل وايد
لاتمشون بممر مافيه احد واضائته خافته
ولا تمشون بروحكم دايما روحوا ويا احد عشان اللي يفكر يسوي شي يخاف
وشكرا
