قبل ٢٢ سنه وبنفس تاريخ اليوم غزانا المقبور الى مزبله التاريخ صدام حسين
كان عمري حزتها ٤ سنين صج ما اذكر الا شوي بس ماراح انسى
كل مره كنا ننخش فيها وننحكر لمن تفتشون بيتنا
ماراح انسى والقارئين بكرامه "ريحه دلاغاتكم" القذره مثل قلوبكم
ولا راح انسى لمن اسرتو عمي موسى وجويتو راسه باوتي يعل الله يحرق قلوبكم ويجويها
ولا عمي فاضل لمن شلعتوا عيونه وذبحتوه عند باب البيت وبكل حقاره تطقون الجرس وتمشون
اذا انتو نسيتوا انا ماراح انسى لمن حتى مستشفياتنا احتليتوها وبقتوا ادويتنا حتى اخوي واهو عمره اقل من عشر سنين وعنده الدوده الزايده خليتونا نترجى تسووله عمليه
ولا بيتنا اللي احترق
٢٢ سنه ووالله لو تموتون ما ننسى ولا نسامحكم ونحللكم بدم عيالنا
الله يحرق قلوبكم قلب قلب
ويحشر كل واحد يدافع عن صدام وهو بقبره وياه بنار جهنم
No comments:
Post a Comment