make up "foundation"

اليوم حبيت اتكلم عن المكياج بشكل خاص "كريم الاساس" لاني وايد اعاني من هالشي

بشرتي دهنيه لابعد الحدود وحساسه وايد
ماتتحمل ولا مرطب من مرطبات البشره لو شنو ماكان
ولا تتحمل غسول الويه جربت كل شي
كلين اند كلير
نيتروجينا
جونسون
الشي الوحيد اللي طبق وياي صابون لوكس لانه ينشف الويه عدل
اي شي ثاني استخدمه يحبب ويهي وو يخلي بشرتي تفرز دهون خلال ثواني

حتى كيلينيك جربته للبشره الدهنيه جدا مانفع وياي لا ال
3 step system
ولا كريم اساسهم
المهم هالشي يسببلي وايد مشكله بالمكياج لمن احط كريم اساس بعد اقل من ساعه بشرتي تفرز دهون وينعفس ويهي
قبل فتره جربت كريم اساس kanebo
اهو ككريم لونه حلو ومايضايق بشرتي ويحسسها وايد بس عيب ما يغطي عدل وصج مو نفس باجي الكريمات بس هم بشرتي تفرز

اللي جربته اهو هذا

سعره مناسب مو غالي نفس اغلب كريمات الاساس تقريبا ١٥ دينار
بس اكثر شي يضايقني فيه انه ما يغطي

---

دورت عن كريم اساس ثاني تغطيته احلى
وقررت استخدم
make up forever HD
جدا عجيب وجدا احبه
يغطي المسامات والبقع
يثبت عالبشره
درجاته حلو ومناسبه
وما يخلي بشرتي تفرز دهون نفس الكريمات الثانيه

اهو مناسب حق العروس حق اللي مايحبون كريمات الاساس وايد وهم حق التصوير يطلع حلو

وسعره مناسب ١٣ دينار


-----
وانتو شنو كريم الاساس اللي تستخدمونه او جربتوه وعجبكم او سمعتوا عنه ؟؟