once upon a time "free-moi"

كان يا مكان في قديم الزمان

في زمنات شبابي ايام ٢٠٠٧ دخلت عالم البلوقات

ايامها كنت جدا مشتطه اكتب روايات واتحلطم اربع وعشرين ساعه 

ايامها صج كنت احب البلوقات

بالنسبه لي الكتابه وايد شي حلو وجميل وشي جدا استمتع فيه خصوصا اذا كانت رواؤيه وباللغه العربيه الفصحى

بس احس كل شي تغير 

الله يسلمكم ايام ٢٠٠٧ لي ٢٠٠٩ لمن كنت بلوقر نشطه كنت اكتب في بلوقي القديم اللي يمكن محد يعرفه

تقدرون تزورونه هني 

http://free-moi.blogspot.com/   

ميخالف اسلوب الكتابه كان غير المواضيع اللي اختارها كانت غير اسمله علي لساني فالت كل شي كنت افكر فيه اكتبه

جدا كنت مطبقه نظام مايردك الا لسانك

ايامها الناس اللي كان عندها بلوق كانت اهتمامها يا انها تكتب حبا في الكتابه او تكتب عشان تعبر عن توجهاتها السياسيه

كلش كلش ماذكر انه كان في بلوقر يكتب عن ايفنتات انعزم عليها وهيك حركات 

كنت احب بلوقي القديم وركزو على كلمه "كنت" لاني كنت استمتع لمن اكتب رواياتي واستمتع لمن الناس تقرا وتعلق

ليمن وقفت لاسباب حقيقه انا ماذكرها ولمن رديت قبل سنه تقريبا وسويت بلوق يديد

احس جنه نص عمري طافني

وايد محد قام يهتم يقرا كتابات

الناس بس تبي تعرف عن مطاعم وايفنتات وطلعات وكولكشنات يديده ... والخ

حتى البلوقات السياسيه تاثيرها مو نفس قبل 

الخلاصه: ماعندي سالفه بس قعد اتذكر ايام الزمن الجميل لمن كنت اكتب وكان في ناس تهتم تقرا