اول مره بحياتي ادعي على احد من قلب -- الهي بمره ملك وبدوره فلك تاخذلي بحقي
الموضوع يا محفوظين السلامه اني السنه اللي طافت بالكوري الاول كان عندي انذار ثاني وصارتلي ظروف بالكورس ماقدر ارفعه وانطردت من الجامعه تميت قاعده بالبيت تقريبا سنه كامله اراكض على اوراقي عشان يردوني واخر شي رديت على اساس انهم يسحبولي الكورس اللي انفصلت بسبته
عاد قلت هالكورس لازم اشد حيلي والله يشهد اني داومت كل كلاساتي بضمير ودرست حق امتحاناتي وشديت حيلي بس اللي صار انه عندي ماده اسمها
physical chemistry of polymers
من اسمها مبين الماده صعبه والدكتور ماقصر امتحان اصعب من الثاني وكل مره كنت احل ودايما الحبيب مو عاجبته اجاباتي
وكل درجه يعطيني ياها اردى من الثانيه
مابي احط بذمتي بس والله والله يشهد علي اني مو قعد اجذب اهو من الله كارهني اذا شاركت بالكلاس يحقرني وكل يسوي روحه مايسمعني بسبه صوتي واطي
يعطينا هووم ورك اكون بس انا اللي حالته يسال منو حاله اقوله انا يحقرني جني مو متحجيه
واكثر من مره يتكرر الموقف وماتحجيت لانه محد بيسمعني ولا احد بيصدقني
بيوم الميدتيرم الثاني مرضت ومامتحنت ويبتله طبيه وقبلها كنت مسويه حادث وشاف ايدي فيها رضه وحالتي مزريه ودق الصدر لا ماله داعي اعيده في ميدتيرم ثالث وقمت انا وقطيت الطبيه
بالميدتيرم الثالث صدمني صدمه حياتي على كثر ماحليت معطيني ٧ من ٢٠
يا يوم الفاينل قعد درست لين طلعت روحي والله من الخرعه وقعد احاتي اذا مانجحت راح ارد انفصل يمكن بجيت ١٦ مره
المهم بيوم الفاينل الامتحان لا اله الا الله تعجيزي
وحليت وكتبت كل اللي اعرفه ما خليتله ولا سؤآل فاضي وعطانا الاخ موعد حق الدرجات
رحت بالموعد
١-الحبيب ياي متاخر
٢-مو مصلح الامتحانات
٣-يدخل شخص شخص يقعد معاه فوق النص ساعه يصلح الامتحان ويعطيه درجته وسكت
يوم يا دوري حط درجه الامتحان الاول والامتحان الثالث وبكل وقاحه زفني ليش مو ممتحنه الامتحان الثاني وقلتله السالفه سكت
قبل ما يطل بالامتحان الفاينل ولا يشوفه ولا يمسك الورقه جن يعطيني بو "انتي ساقطه"
لحظه خنتفاهم يا دكتور والله راح انطرد من الحره عيوني غورقت دموع جن يطلع ورقه الفاينل وقالي نشوف
اهو بالمتحان عطانا ورقه فولسكاب ام اربع ويوه ويالله حلو بالتصليح يزفني بس ورقه فولسكاب وحده؟؟ قلبها يمين قلبها يسار طالعها ثواني جن يقولي اسف ساقطه
رديت عدت دكتور توني راده كنت مفصوله والله راح ارد انفصل يقولي مشكلتج قلتله عالاقل صلح وعلبوا بيسكتني مسك الورقه هذا مو عاجبتني اجابته صفر
هذا انتي مالفه صفر
والا تدرين عشان ماتقولين ما ساعدتج يالله واحد
اللي بعده انتي كاتبه خرابيط مو هذا الاشتقاق اللي ابيه قلتله نفس اللي انت كاتبه بالنوت كتبته جن يقولي لا هذا بس ٤ اسطر سكت يالله هذا ٤ من ٦
ويقلب
صفر صفر ه واحد يالله اثنين
خلص انا اسف انتي ساقطه
انزين يمكن انا غبيه
بس اذا انت بس تاخذ ميدتيرمين وفاينل
الاول عشرين والثاني عشرين والفاينل ٤٠ صار مجموعهم ٨٠
في بعد عشرين درجه ملوتي وينهم؟؟ الحضور ماعليه شي الهووموركات والايساي والتقارير ماعليهم شي
والله ٢٠ درجه بلعهم علي
صج بجيت امبيه عمري ماترجيت احد ترجيته جن يقوم وانا اكلمه يفج الباب وينادي اللي بعدي "يعني طردني بطريقه ذربه" طلعت فكرت فكرت قلت بقوله يعيدلي الفاينل دام على قولته ١٠ درجات بيني وبين النجاح دشيت بكلمه سمعني حجي وهم ماسكت ليمن خلاني اقوله عن فكرتي
قالي خلاص اكلم رئيس القسم واردلج خبر الاحد متى اييلك تعالي بعد ال ١١
امس رحتله والا ياي مبجر وماشي مبجر
سالت رئيس القسم والا الحبيب مو مكلمه ولا سائله ولا شي ولمن سالت رئيس القسم قالي انا من ناحيتي ماعندي مانع الموضوع بيده قلت يالله دام يت موافقته هذاك ماعنده مشاكل قمت حطيتله ورقه وكتبتله اللي صار وحطيتله رقمي وايميلي عشان يبلغني بقراره
طبعا حقرني رديت اليوم رحتله
اول ماشافني صرخ فيني بو نعم؟؟ رديت شرحتله السالفه
جن يقولي انا مدخل الدرجات بالسستم قلتله انت مواعدني اييلك الاحد وييت ومالقيتك
جن يقولي مشكلتج
انزين يا طيب يا دكتور يا فاضل كلمت رئيس القسم ووافق
رد علي : "رئيس القسم يوافق حق نفسه ويقول اللي يبيه " انا مو موافق
السقوط سقوط وانا اجتمعت مع الدكاتره وكلهم ايدوني
والله كان ودي اتله من شعره احرقه اقتله بس احترمت اخلاقي قبل ما احترمه
قلتله اوكي مشكور ييت بطله جن يقولي
انا اسف بس ابي اشوفج مره ثانيه في الماده
استغفر الله والله ياربي انا اسفه بس اكو انسان احقر من جذي؟؟
كل اللي قلته حسبي الله ونعم الوكيل الله ياخذلي بحقي منه والحسين ينتقملي منه
الله يسامحه "بس انا صج ماراح اسامحه علي سواه فيني "
